現金佔總資產：49.44%
股票佔總資產：50.04%
本月動作：沽出1500股2800@25.8
後記：
關於之前話要分享某教授既有趣事，最後決定打消依個念頭。
一到暑假，就好自然過上舒適自在既生活，除左打機，仲會行山、跑步，近排仲多左樣興趣，就係養魚，養魚真係一門大學問，買魚前就要先將水養好，水質好魚就自然精神，現在每日都會花半個鐘吸屎、餵糧，得閒又會對下魚，欣賞下佢地既雄風，依種鬥魚一見到同類就會起鰭，放埋一齊仲會打，所以都係單獨養。
睇返上年暑假時候寫既BLOG，發現上年同依家過既暑假生活都係差唔多，哈哈，我就係咁死板，我好仲意行山，春夏秋冬去行山都會有唔同感受，大自然真係人類最大既寶物，我去行山最主要係想吸下新鮮空氣同埋觀察大自然循環，澳門D空氣質素太差，人多車多吸入肺既都係廢氣、油煙，偶爾仲有幾口二手煙索下，我揸老電一定會帶口罩，如果唔帶就會成面都係黑色既塵，真係好恐怖。
上年六月放左823，今年五月放2800，現金既比例愈來愈高....哎，一講到股票真係無乜野好講，方法又死板又悶，十年都唔分析一次，年報又懶唔想睇，所以都係聽天由命啦，升或跌都無乜所謂，唔好半浮半沉就得啦。
依條係我暫時養過既鬥魚中最靚既一條
