無聊又唔想溫習(其實係偷懶)係度吹下水先，前幾日見到有位朋友有少少唔開心，因為牛熊令佢輸左好多錢，似係大出血，比人打靶打完一隻又一隻，最後佢打左一段感性說話，內容大概都係怪自己太貪，年青人想快嬴快賺大錢，最後得來此惡果。
我睇完之後表面安撫幾句，其實我登佢開心，咁早知道自己唔適合玩牛熊，已經慳返唔少錢，可能會有人問我點解唔阻止自己朋友玩衍生工具，其實我對每一位玩牛熊既朋友都略略解釋過，但我一定唔會阻止，因為我都唔可以否認有人能夠從中獲利，行行出狀元，可能佢就係投機高手呢？
突然諗到個問題，困擾左我一陣，假設有人睇過去至14年既報表，計算出該股現在應價值為$5，睇睇現時股價$5，處於合理價要等多陣，股價跌至$4.5，即刻買入自己心頭好，後來再跌至$4，當中公司無任何消息披露，就係慢慢陰跌，然後佢再睇多次過去至14年既報表，確定佢係計到$5，咁現在未即係大大減價？於是佢再加倉，直到15年既業績出左，增長遜於預期好多，現在佢終於知道點解會不停跌。濠賭同渣打都曾經試過咁樣，如果用當時現有既報表去計佢股價，係下跌初至中期就好容易產生一種偽大減價，直至業績公佈先如夢初醒。散戶舊有資料好多，但第一手資料卻少之又少，應該點樣分虛驚定真跌呢？
我覺得試下derivatives並無不可,但當事人應先有足夠的資產、知識及心理質素,留番哋buffer俾自己。
回覆刪除資產、知識及心理質素都係多數年青人欠缺既野，所以睇佢地買賣就好似買大細咁，但賠率仲衰過買大細。
刪除同大市走勢比較下，就容易啲分別真偽，差過大市通常唔係好嘢。
回覆刪除依個方法都可以作為指標之一，所以我選股都選D盡量能夠貼住大市走既
刪除將份報表睇得愈通透，就會愈自我感覺良好，慢慢忽略左報表滯後性既問題，跌穿大市都只會覺得『別人恐懼我要進取』