無賴主義

            如果有讀過大學既你地，係大學生涯中總會有唔少Group Project要做，亦都總會遇到幾個對Project不聞不問，踢一踢先郁一郁既隊員，我定義佢地做無賴主義者。

            依D無賴主義者永遠少發聲，亦唔表態，就算聊天群叫佢都好少出現，其實目的就只有一個，就係想自己負責得最少，佢地最想自己剩係撿頭撿尾，然後等其他忍唔住手既人做埋，無賴主義者視分數如草介，只求蒙混過骨，最好什麼都不用做，輕輕鬆鬆拿個C或D就心滿意足，如果你責問佢或者忍唔住手做埋，總之有任何帶頭發言既行為，你就會好自然被無賴主義者認定是Leader，而作為Leader，就被默認為做得最多的一位，當你嘗試關心或者責問依d無賴主義者時，佢地通常會裝得很可憐，連忙道歉，然後說自己如何如何沒空或者如何如何沒有能力。

            無賴主義係大學生涯中之一生存之道，大學裡充斥人生百態，為權力、分數、留學機會...太多太多，總之都是關乎己身之利，寫這篇文純粹提提這有趣現象，並沒有埋怨什麼，反正大學如此，社會如此，人性如此，不足怪矣。